«ORIAT-Dono». Radiostansiya tarixi.

 Отправить другу    Версия для печати

 «ORIAT-Dono» FM 106, 5 — bu musiqiy-informatsion radio bo`lib, o`zbek tinglovchilarining keng auditoriyasiga mo`ljallangan. Musiqa va ahborot nisbati: 70% : 30%.

«Oriat Dono» radiostansiyasi O`zbekistonda FM to`lqinlari orqali birinchi marta 2000 yilning 17 dekabrida efirga chiqdi. Radiostansiyaning nomlanishi ramziy ma`noga ega bo`lib, ijodiy jamoaning o`ziga xos shiorini aks ettiradi. «ORIAT» o`zbek tilida qadr-qimmat, or-nomus tushunchalarini ifodalasa, «Dono» donishmandlik istifodasidir.

«ORIAT-Dono» avval — boshdanoq yuqori talablar asosida ish yurita boshladi. Bu esa barcha jabhada, texnik jihozlardan tortib mutaxassislarni tanlashgacha (ular shu yerning o`zida tayyorlanadi) o`z aksini topdi. Efirga chiqishdan bir yil oldin jiddiy tanlov asosida saralab olingan radioning bo`lajak xodimlari nafaqat mamlakatimizdagi shu sohaning yetakchi mutaxassislari , shuningdek horijdan taklif qilingan mutaxassislar ko`magida maxsus o`quv mashg`ulotlariga jalb etildi.

«ORIAT-Dono» eshittirishlarining 60 foizi davlat tilida, qolgan qismi horijiy tilllarda efirga uzatilgan. Radiostantsiya tarkibida axborot xizmati, kreativ hizmati, dasturlash guruhi, ovoz yozish studiyasi va efir boshlovchilari guruhi kabi bo`limlar mavjud. Qisqa vaqt mobaynida «Utiniye istorii», «Vashi novosti», «Taqdir», «Yangi hayot», «Tong yulduzi», «Vecherom v 9», «Randevu», «Magiya vkusa», «Karavan istorii» singari eshittirishlar muxlislar mehr-muhabbatini qozondi. Faoliyatini boshlaganiga ko`p vaqt o`tmasa-da ommalashishga ulgurgan radiostansiya «Yulduzcha» nomli yangi loyihaga axborot ko`magini ko`rsatdi.

Vaqt o`tishi bilan «ORIAT-Dono»ning imkoniyatlari ham kengaya bordi. Radiostansiya Raqs musiqasi Xalqaro Festivali, Italiya kinosi festivaliga, Hunarmandlar huquqlarini himoya qiluvchi «Hamsa» hunarmandchilik markazi, Arslon Kamalov, «Mir Yulduzi» prodyuserlik markazlarining loyihalariga, jumladan, Nikolay Noskov, Kristina Orbakayte, Nasiba Abdullayeva, Yulduz Usmonova, «Lady Speed Stick» kabi loyihalariga axborot ko`magini ko`rsatdi.

2000 yilda o`ylangan g`oya asosida 2002 yilning 5 yanvarida ikkinchi xalqaro kanal — «Oriat FM» radiosini ishga tushirishga muvaffaq bo`lindi . Bu kanal orqali eshittirshlar rus va istiqbolda ingliz tillarida uzatilishi nazarda tutilgan edi.

Shu kundan e`tiboran, «ORIAT-Dono» radiosi o`z eshittirishlarini kunu tun faqat o`zbek tilida efirga uzatadigan bo`ldi. Shunga muvofiq qiyofasini ham milliylashtirishga bel bog`ladi.

Musiqiy uslubi: Soft ACning variatsiyasi. Rotatsiya va nisbatlar: Qaynoq hitlar — 40%, oltin shlyagerlar — 40%, boshqa kompozitsiyalar — 20%. Milliy va horijiy musiqa nisbati: — 70% milliy, 30% horijiy (sharq va g`arb). Musiqiy qatorning yangilanishi: har 1, 5 oyda. Radioning musiqiy qatori shu jihati bilan 7 yoshdan 70 yoshgacha bo`lgan tinglovchilar auditoriyasini qamrab oladi.

Asosiy xususiyatlari: kerakli axborotni o`z vaqtida uzatish, turli janrdagi mazmunli eshittirishlar tayorlash, badiiy sayqallar bilan efirning o`ziga xosligini ta`minlash. Faqatgina bizning radio orqali Siz har yarim va bir soatda aniq vaqtni muntazam aniqlab olishingiz mumkin. Har soat boshida (8:00 dan 19:00 gacha) yangiliklar (respublikamiz va horijiy davlatlar iqtisodiy va madaniy jarayonlariga taalluqli xabarlar) uzatiladi, sport xabarlari va ob-havo ma`lumotlari alohida berib boriladi.

Turli mavzular va janrlarga mansub musiqiy-informatsion, ko`ngilochar va intellektual eshittirishlar, shuningdek, ma`naviy-ma`rifiy, ijtimoiy ruknlar muntazam berib boriladi. Ijodiy guruh malakali mutaxassislardan tashkil topgan. Radiostansiyaning texnik ta`minot darajasi Rossiya va Yevropaning ilg`or FM-radiostansiyalarinikidan qolishmaydi. Shuningdek, radiostansiyada zamonaviy jihozlangan ovoz yozish studiyasi ham faoliyat ko`rsatmoqda.

Ayni vaqtda ko`p sonli muxlislar e`tiborini qozongan dasturlar: «Fonus», «SIYOHVORD», «Dubl», «Ramazon fonusi», «SIYOH viktorinasi», «Mantiqiy javob», «Ziyo chorbog`i».

http://www.dono.oriat.uz/Tarix/